nah ban sakaa maiN tumhaaraa, nah hee zamaaneh kaa **

nah ban sakaa maiN tumhaaraa, nah hee zamaaneh kaa
huwaa to yeh huwaa anjaam dil lagaane kaa!

naz^ar milaane pah dh`okaa naz^ar churaane kaa
a'jab hai yeh tiraa andaaz aazmaane kaa!

Hareem-e-naaz se shaayad woh aa gayaa baahar
koyee sabab to hai yaaro! bahaar aane kaa?

Galat^ nah samjh`e mire ashk-e-shukr ko dunyaa
malaal? woh bh`ee muHabbat meN haar jaane kaa?

kashaaN kashaaN liYe jaataa hai dil usee dar par
zamaanah aa gayaa kyaa ph`ir fareb kh`aane kaa?

nah Z^abt^-e-Gham kaa hai yaaraa, nah furSat-e-giryah
yehee hai dosto! u'nwaaN mire fasaane kaa

nah is t^araH se too Khush hai, nah us t^araH se Khush
Th`ikaanah hai tiraa ai dil! kaheeN Th`ikaane kaa?

nah aaNkh nam ho, nah aaYe zabaan par shikwah
saleeqah chaahiYe ulfat meN dil jalaane kaa!

naz^ar woh kyaa ph`iree, dunyaa badal gayee meree
mazaa nah peene kaa baaqee, nah hee pilaane kaa!

sunaa hai beh gayaa sail-e-junooN meN gh`ar "Sarwar"!
naSeeb kh`ul gayaa tere Ghareeb-Khaane kaa!

غزل