be-Khudee! too hee aaKhir bataa, kyaa kareN?

be-Khudee! too hee aaKhir bataa, kyaa kareN?
ho gaye ham jo Khud se judaa, kyaa kareN?

ham azal se haiN ahl-e-vafaa, kyaa kareN!
zindagee ek kaafir-adaa! kyaa kareN?

baat-be-baat jab hoN Khafaa, kyaa kareN?
ham bayaaN aap se mudda,a'a kyaa kareN?

a'ashiqee hai keh hai ik balaa, kyaa kareN?
koyee batlaaye behr-e-Khudaa, kyaa kareN?

dil ko Z^id hai keh koo-e-malaamat chalo!
rok kar ham qiyaamat bapaa kyaa kareN!

dard baRh`taa gayaa, din guZarte gaYe
kab rukaa vaqt kaa qaafilaa, kyaa kareN?

avval-e-shaam-e-hijraaN hee neeNd aa gayee
ibtidaa ban gayee intihaa, kyaa kareN?

jaan she'roN meN :Sarwar: jo terey naheeN
log ph`ir :marHabaa! marHabaa!: kyaa kareN?

غزل