fikr-e-dunyaa kahaaN aur :Sarwar:-e-badnaam kahaaN!

fikr-e-dunyaa kahaaN aur :Sarwar:-e-badnaam kahaaN!
voh kahaaN aur bh`alaa rasm-o-rah-e-a'am kahaaN!

ahl-e-dunyaa kee yeh angusht-numaayee? taubah!
qatl kis ne kiyaa aur lag gayaa ilzaam kahaaN?

aik ik lamHeh ko seene se lagaa rakh`taa hooN
kyaa Khabar mujh` ko keh hai subH kahaaN, shaam kahaaN!

yeh Ghareeb-ul-vat^anee, us peh yeh tanhaayee? aah!
aa gayee le ke mujh`e qismat-e-naakaam kahaaN?

dil dh`aRakne kee sazaa karb-e-musalsal kyoN hai?
kh`eeNch laayee hameN too gardish-e-ayyaam kahaaN?

shikvah-e-zeest, Gham-e-dehr, Khayaal-e-jaanaaN
haaye! pehlaa saa voh raNg-e-saHar-o-shaam kahaaN!

maZhab-e-i'shq ne sikh`laayee Khudaa-aagaahee
fikr ham kyoN kareN, kyaa kufr hai? Islam kahaaN?

ch`oR :Sarwar:! bh`alaa is Khwaab meN rakkh`aa kyaa hai
ab tiree yooN hee kaTe gee, tujh`e aaraam kahaaN!

غزل