Ghazals | غزلیں


English اردو


jo ravaa th`e pehle ab voh naaravaa kyoN ho gaYe?
jo ravaa th`e pehle ab voh naaravaa kyoN ho gaYe?
silsile ulfat ke veHshat-aashnaa kyoN ho gaYe?

saaz-e-hastee dha`RkanoN se dil kee naGhmah-rez th`aa
ab voh naGhme rehrav-e-raah-e-fanaa kyoN ho gaYe?

gardish-e-dauraaN! bataa itnaa rah-e-ummeed meN
aashnaa jitne th`e sab naa-aashnaa kyoN ho gaYe?

kis ne tum se iltijaa kee th`ee nigaah-e-lut^f kee?
"tum kisee kee zindagee kaa aasraa kyoN ho gaYe"?

chashm-e-nam kal tak daleel-e-soz-o-saaz-e-i'shq th`ee
aaj yeh aaNsoo vafaa,oN kee sazaa kyoN ho gaYe?

Hasrat-o-ummeed per hotaa th`aa apnaa iKhtiyaar
koyee batlaaye keh yeh bande Khudaa kyoN ho gaYe?

kyaa huwaa maiN ne agar apnaa fasaanah keh diyaa?
tum bh`ee apnee baat keh lete, Khafaa kyoN ho gaYe?

gardish-e-taqdeer ne :Sarwar: ko HairaaN kar diyaa
pooch`taa hai, Khwaab voh saare hawaa kyoN ho gaYe?