dil dukhaaYe kabhee, jaaN jalaaYe kabhee

dil dukhaaYe kabhee, jaaN jalaaYe kabhee, har t^araH aazmaaYe to maiN kyaa karooN?
maiN use yaad kartaa rahooN har ghaRee, woh mujhe bhool jaaYe to maiN kyaa karooN?

Haal-e-dil gar kahooN maiN to kis se kahooN, aur zabaaN band rakkhooN to kyoN kar jiyooN?
yeh shab-e-imtiHaaN aur yeh soz-e-durooN, Khirman-e-dil jalaaYe to maiN kyaa karooN?

maiN ne maanaa keh koyee Kharaabee naheeN, par karooN kyaa t^abee,a't :gulaabee: naheeN
maiN sharaabee naheeN! maiN sharaabee naheeN! woh naz^ar se pilaaYe to maiN kyaa karooN?

soz-e-har-dard hai, saaz-e-har-aah hai, gaah be-kaif hooN, sarKhushee gaah hai
meree har aah meN ik nihaaN waah hai, i'shq jaadoo jagaaYe to maiN kyaa karooN?

kuchh ye Khud-saaKhtah apnee majbooriyaaN, kuchh zamaane kee sauGhaat mehjooriyaaN
aur us par qiyaamat kee yeh dooriyaaN, chain ik pal nah aaYe to maiN kyaa karooN?

mujh ko dunyaa se koyee shikaayat naheeN, jhooT bolooN miree aisee a'adat naheeN
yeh Haqeeqat hai yaaro! Hikaayat naheeN, be-sabab woh sataaYe to maiN kyaa karooN?

zeHmat-e-zeest hai daur-ai,yyaam hai, naa-muraadee miraa doosraa naam hai!
kyoN Gham-e-mustaqil meraa anjaam hai, jab qiyaamat yeh DhaaYe to maiN kyaa karooN?

Khud hee maiN a'ks hooN, Khud hee aa,eenah hooN, maiN balaa se zamaane peh z^aahir nah hooN
haaN! chhupooN gar maiN Khud se to kaise chhupooN, yeh Khalish jo sataaYe to maiN kyaa karooN?

shaa,i'ree meree "Sarwar", yeh t^arz-e-bayaaN, yeh taGhazzul, tarannum, yeh Husn-e-zabaaN
sab a't^aa hai zahe maalik-e-do-jahaaN! gar kisee ko nah bhaaYe to maiN kyaa karoo

غزل