Ghazals | غزلیں


English اردو


dil dukh`aa kar aap ne pooch`aa, kaho kaisaa lagaa?
dil dukh`aa kar aap ne pooch`aa, "kaho kaisaa lagaa?"
kyaa bataa,ooN? aap kaa yooN pooch`naa ach`haa lagaa!

her nafas meraa th`aa vaqf-e-Sad-jahaan-e-aarzoo
Ghaur se dekh`aa to naz^aroN kaa faqat dh`okaa lagaa!

yeh gumaaN hai, yaa Haqeeqat, yaa miraa Husn-e-naz^ar?
jo milaa mujh` ko rah-e-ulfat meiN voh tum saa lagaa!

kaisee kaisee yaad le kar aayee hai boo-e-bahaar
shaaKh per jo gul kh`ilaa voh aik afsaanaah lagaa

ham tamaashah-gaah-e-a'alam meN tamaashaayee rahe
jo huaa, jaisaa huaa, jis per huaa, ach`haa lagaa

jab maiN kehtaa th`aa koyee suntaa naheeN th`aa meree baat
ab jo hooN Khaamosh to dunyaa ko deevaanaa lagaa!

boo-e-gul, soz-e-alam, ranj-e-vafaa, rang-e-shafaq
jis ko dekh`aa Ghaur se maiN ne to pardaa saa lagaa

dil kee aaNkh`eN jab kh`uleeN :Sarwar: to ph`ir naam-e-Khudaa
aashnaa ach`haa lagaa, naa-aashnaa ach`aa lagaa!