Ghazals | غزلیں


English اردو


kyaa tamaashaa dekiYe teHSeel-e-laaHaaSil meN hai
kyaa tamaashaa dekhiYe teHSeel-e-laaHaaSil meN hai
ek duniyaa kaa mazaa dunyaa-e-aab-o-gil meN hai

dekh yeh jaZb-e-muHabbat kaa karishmah to naheeN
kal jo tere dil meN thaa woh aaj mere dil meN hai

maiN bhalaa kis se kahooN, kyaa kyaa kahooN, kaise kahooN?
maut se pehle hee mar jaane kee Khwaahish dil meN hai

mauj-e-shoorish, inqilaab-o-iZ^t^iraab-o-rust-o-Khez
hai mazaa saaHil meN kab jo dooree-e-saaHil meN hai

jhaaNk kar dil meN Zaraa yeh to bataa deejiYe HuZ^oor
meree qismat kaa sitaaraa kaun see manzil meN hai?

mujh ko bhaataa hee naheeN ik aaNkh Husn-e-kaa,inaat
haaN! magar woh jo tire ruKhsaar ke ik til meN hai!

kar diyaa begaanah-e-Ghamhaa-e-duniyaa i'shq ne
mujh ko aasaanee yehee to apnee is mushkil meN hai

teraa maaZ^ee Haal se dast-o-girebaaN gar rahaa
maiN bataataa hooN jo "Sarwar"! tere mustaqbil meN hai!