Ghazals | غزلیں


English اردو


:Sarwar:! kisee Soorat tujh`e aaraam nah aayaa!
:Sarwar:! kisee Soorat tujh`e aaraam nah aayaa!
din raat kaa ronaa tire kuch` kaam nah aayaa!

jo dil pe guZartee hai bataa,eN bh`alaa kaise
kyaa keeje! hameN aik yehee kaam nah aayaa!

ik u'mr kaTee meHfil-e-hastee meN hamaaree
Sehbaa-e-muHabbat kaa magar jaam nah aayaa

kab tujh` ko rahaa paas-e-vafaa, paas-e-Khamoshee?
jeene kaa saleeqah, dil-e-naakaam! nah aayaa!

paaband-e-vafaa ho ke tujh`e kyaa milaa ai dil?
sar tere bataa kaun saa ilzaam nah aayaa?

Khudkaamee-o-shoreedah-saree dil ko na bh`aayee
momin th`e hameN sajdah-e-aSnaam nah aayaa!

vaaraftah-mizaaj aise huwe i'shq meN, yaaro!
ph`ir lab pe kabh`ee shikva-e-ayyaam nah aayaa!

aaGhaaz-e-muHabbat ke maze yaad haiN :Sarwar:?
us vaqt tumheN Khadshah-e-anjaam nah aayaa?