Ghazals | غزلیں


English اردو


vaqt ke haath`oN Hikaayaat-e-anaa bh`ool gaYe
vaqt ke haath`oN Hikaayaat-e-anaa bh`ool gaYe
ham vafaa bh`ool gaYe, aap jafaa bh`ool gaYe!

kis ko samjh`aa,eN, yeh samjh`aane kee baateN kab haiN?
vaSl kab yaad rahaa, hijr meN kyaa bh`ool gaYe?

kyaa chaman ch`oRaa, palaT kar naheeN dekh`aa us ko
raNg-e-gul, boo-e-saman, baad-e-sabaa bh`ool gaYe!

aisaa veeraan huwaa Ka'bah-e-hastee, yaa-Rab!
reh gaye haath` uTh`e, Harf-e-du,a'a bh`ool gaYe!

Husn sarshaaree-e-andaaz-o-adaa se guZraa
aur sab ahl-e-vafaa, rasm-e-vafaa bh`ool gaYe!

bujh` gayee shama'-e-junooN, luT gayee bazm-e-yaaraaN
ahl-e-dil, sozish-e-jaaN hotee hai kyaa, bh`ool gaYe!

shehr-e-jaanaaN meN naheeN pooch`ne vaalaa koyee
kaun ho, aaye ho kyoN, tum yahaaN kyaa bh`ool gaYe?

Khoob :Sarwar: tumheN ummeed-e-karam yaad rahee
kyaa sitam hai keh gunaahoN kee sazaa bh`ool gaYe!