Ghazals | غزلیں


English اردو


aa,eenah-e-Hairat hooN tiree jalvah-garee kaa
aa,eena-e-Hairat hooN tiree jalvah-garee kaa
a'alam hai yeh ab dekh` miree be-Khabaree kaa!

bad-naamee-o-rusvaayee-o-aashuftah-saree kaa
ilzaam-e-zamaanah hai mujh`e be-hunaree kaa

mat ch`eR mujh`e, baaz aa, ai gardish-e-dauraaN!
kyaa Khauf naheeN tujh` ko Zaraa pardah-daree kaa?

dekh`aa to bohat Khud ko magar kuch` naheeN dekh`aa!
anjaam hai shaayad yeh meree kam-nazaree kaa!

ham Khastah-nafas chain se kab beTh`ne paaYe?
dh`aRkaa jo rahaa zeest kee bedaad-garee kaa

kehtaa hooN Ghazal Sirf Ghazal kehne kee Khaat^ir
varnah mujh`e kuch` shauq naheeN naam-varee kaa

:Sarwar: koyee dam beTh` lo arbaab-e-junooN meN
:kyaa, yaar! bharosaa hai chiraaGh-e-saHaree kaa:? (Mir)