tiree be-niyaazee, miree be-qaraaree

tiree be-niyaazee, miree be-qaraaree
nah voh iKhtiyaaree, nah yeh iKhtiyaaree!

umeed-e-saHar meN kaTee u'mr saaree
shab-e-aarzoo jaise taise guZaaree!

baRh`aa,o tamannaa kee lau ko baRh`aa,o
dikh`aao Zaraa aur tum Gham-gusaaree!

tamaasha-gah-e-zindagee? Allah, Allah!
kaheeN aah-e-sozaaN, kaheeN ashkbaaree!

bataa,o keh tum us ke maalik ho kaise?
agar vaaqa,e'e hai yeh qismat hamaaree!

a'jab kyaa kh`uleN raaz-haa-e-muHabbat
agar guftgoo ho hamaaree tumhaaree!

chalo Khud se baahar nikal ke to dekh`eN
sunaa hai udh`ar kee bh`ee dunyaa hai pyaaree!

kaheeN dekh` :Sarwar:! tujh`e le nah Doobe
tiree ahl-e-dunyaa se ummeed-vaaree!

غزل