Ghazals | غزلیں


English اردو


bataa yeh jaZbah-e-be-iKhtiyaar kyaa ho gaa? **
bataa yeh jaZbah-e-be-iKhtiyaar! kyaa ho gaa?
agar woh ham se huwaa sharmsaar, kyaa ho gaa?

miree wafaa,oN ko saNg-e-mazaar kyaa ho gaa?
bahaan jaa chukee, Zikr-e-bahaar kyaa ho gaa?

buraa ho teraa dil-e-beqaraar! kyaa ho gaa?
rahaa nah Khud pah hameN iKhtiyaar, kyaa ho gaa?

nah jaaneN kitnee bahaareN guZar chukeeN is par
junooN kaa faiSilah ab kee bahaar kyaa ho gaa?

yeh chashm-e-nam, yeh Khamoshee, yeh aah-e-neem-shabee
ziyaadah is se bh`alaa Zikr-e-yaar kyaa ho gaa?

agar hai Sabr-t^alab SubH-e-aarzoo itnee
maiN Dar rahaa hooN shab-e-intiz^aar kyaa ho gaa?

tumhaaraa paas-e-girebaaN to ham ne dekh` liyaa
ma,aal-e-pairhan-e-taar-taar kyaa ho gaa?

rakh`aa nah deen kaa ulfat ne aur nah dunyaa kaa
koyee bh`ee mujh` saa Ghareeb-ul-dayaar kyaa ho gaa?

idh`ar kashaa,ish-e-ulfat, udh`ar Gham-e-dunyaa
dil-e-Ghareeb kaa anjaam-e-kaar kyaa ho gaa?

kisee ko Gham naheeN "Sarwar"! tiraa zamaaneh meN
ab is se baRh` ke bh`alaa koyee Khwaar kyaa ho gaa?