Ghazals | غزلیں


English اردو


daastaan-e-naa-muraadee muKhtaSar! dekh`e gaa kaun?
daastaan-e-naa-muraadee muKhtaSar! dekh`e gaa kaun?
:shehr-e-naa-pursaaN meN meree chashm-e-tar dekh`e gaa kaun:?

baa-Khabar hooN meN k yaksar be-Khabar, dekh`e gaa kaun?
jab kisee meN bh`ee naheeN meree naz^ar, dekh`e gaa kaun?

log kehtey haiN ke voh maujood har Zarreh meN hai
sar jh`ukaa kar hee chale koyee nah gar, dekh`e gaa kaun?

gh`ar jalaa Daale faqeeh-e-shehr ne yeh soch kar
log apne haiN, yeh apnaa hai nagar! dekh`e gaa kaun?

yeh tamaashah-gaah-e-a'alam Khoob hai lekin hameN
dekh`ne se Khud ko furSat ho nah gar, dekh`e gaa kaun?

kyaa rahegaa shaad mere ba'd shehr-e-aarzoo!
gh`ar sameTe gaa koyee kaise, yeh dar dekh`e gaa kaun?

qadrdaaN hee ahl-e-dil kaa ab koyee baaqee naheeN
daaGh-e-dil, soz-e-alam, zaKhm-e-jigar dekh`e gaa kaun?

Khud-numaa,ee, Khudsaree :Sarwar:! agar tujh` meN naheeN
laakh` too ho baakamaal-o-baahunar, dekh`e gaa kaun?