aarzoo cheez hai kyaa aur tamannaa kyaa hai? **

aarzoo cheez hai kyaa aur tamannaa kyaa hai?
bazm-e-taKhyeel meN saayoN kaa tamaashaa kyaa hai?

roz-o-shab Khwaahish-e-naakaam meN martaa kyaa hai?
aise jeene meN mire dil! bh`alaa rakkh`aa kyaa hai?

Khirman-e-dil ko jale der huyee, der huyee!
ab bh`ee is Dher se lekin dhuwaaN uTh`taa kyaa hai?

log kehte haiN ba-juz wehm-o-gumaaN kuch` bh`ee naheeN
dard ph`ir dil meN yeh aaKhir mire hotaa kyaa hai?

jaan dene meN mujh`e u'Zr naheeN hai lekin
yeh bataa,o keh mire Gham kaa madaawaa kyaa hai?

ham wafaa-kaish zamaaneh se guZar to kar leN
maSliHat-kosh zmaaneh kaa bh`arosaa kyaa hai?

ros-o-shab, shaam-o-saHar ek hee Gham, ek hee yaad!
shauq-e-naakaam ne kyaa jaaniYe sochaa kyaa hai?

pursish-e-Haal jo karte haiN to dil Dartaa hai
baat kyaa jaane hai kyaa, un kaa Th`ikaanaa kyaa hai?

zaKhm-e-dil, Khoon-e-jigar, zaKhm-e-alam, Khoon-e-umeed
dekh`iYe i'shq meN kyaa aur guZartaa kyaa hai?

Sirf itnee see muSeebat pah yeh ronaa "Sarwar"?
Sabr kar Sabr keh too ne abh`ee dekh`aa kyaa hai!

غزل