Ghazals | غزلیں


English اردو


naa-aashnaa kare nah koyee aashnaa kare **
naa-aashnaa kare nah koyee aashnaa kare
aisaa sitam kisee pah koyee kyoN bh`alaa kare?

kh`ul ta gayaa hai us peh mire dil kaa maajirah
u'mr-e-a'zeez dekh`iYe kab tak wafaa kare

maiN baa-Khabar hooN maSliHat-e-waqt se magar
dil hee nah bas meN ho to bh`alaa koyee kyaa kare?

be-naam aarzoo,oN meN be-maut mar gaYe
aisaa kisee kaa waqt nah bigRe Khudaa kare!

dunyaa se raah-o-rasm-e-wafaa uTh` gayee to kyaa
dunyaa se raah-o-rasm hamaaree balaa kare

ab ranj-e-naa-muraadee dil-e-naa-Suboor! kyaa?
daanistah kyoN koyee bh`alaa aisee Khat^aa kare?

meree jafaa-kashee keh wafaa,oN pah naaz hai
teree wafaa-nawaazee keh ph`ir bh`ee jafaa kare!

"Sarwar"! maiN jee rahaa hooN isee ik umeed par
shaayad use bh`ee i'shq junooN-aashnaa kare!