shiwah-e-dehr kareN, shikwah-e-aalaam kareN *

shiwah-e-dehr kareN, shikwah-e-aalaam kareN!
kyoN nah is t^aur Gham-e-i'shq kaa ikraam kareN?

Khud ko badnaam kareN, aap kaa kuch` naam kareN
yaad dunyaa meN rahe aisaa koyee kaam kareN!

deen-o-dunyaa ko nah kyoN Gharq-e-mai-o-jaam kareN?
aa,iYe! zeest ko shaa,istah-e-Islaam kareN!

HaaSil-e-u'mr bajaa, furSat-e-hastee ma'loom!
dehr meN ahl-e-junooN Harf-e-wafaa a'am kareN

har nafs u'mr-e-gureZaaN kee Khabar detaa hai
itnee furSat kahaaN fikr-e-saHar-o-shaam kareN?

aarzoo, Hasrat-o-ummeed, Gham-o-ranj-o-malaa
too hee batlaa tiraa kyaa ai dil-e-naakaam kareN?

shikwah-e-gardish-e-ayyaam se HaaSil kyaa hai?
jee meN aayee hai keh ab tark-e-rah-e-a'am kareN

aap jeene kee t^araH kyoN naheeN jeete "Sarwar"
yeh koyee baat hai har SubH ko bas shaam kareN?

غزل