us ne jis din se nah aane kee qasam khaayee hai *

us ne jis din se nah aane kee qasam khaayee hai
ik zamaanah miree Haalat kaa tamaashaayee hai

dosetee apnee use baa,ic-e-ruswaayee hai
waaYe taqdeer! keh taqdeer bh`ee kyaa paayee hai!

inqilaabaat-e-jahaaN yooN mire ham-rishtah huYe
jaise muddat se miree un kee shaanaasaayee hai

taNg-daamaanee-e-ummeed buraa ho teraa
raat see raat hai, tanhaayee see tanhaayee hai!

shauq daaman-kash-e-dil hai soo-e-meHfil lekin
a'ql kehtee hai :Th`ehar! kyaa tiree maut aayee hai?:

fikr-e-dunyaa, nah Gham-e-deeN, nah Khayaal-e-jaanaaN
Khud-shanaasee hameN jis roz se raas aayee hai!

ik nigaah-e-Ghalat^-andaaz ne maaraa ham ko
Husn saa Husn hai, ra'naayee see ra'naayee hai!

shaai'ree shehr-e-GhareebaaN meN? Khushaa! ai "Sarwar"!
teree uftaad-e-t^abee,a't tire kaam aayee hai

غزل