zaalim Hayaat chaal mire saath` chal gayee

zaalim Hayaat chaal mire saath` chal gayee
subH-e-umeed shaam-e-GhareebaaN meiN Dh`al gayee!

kyaa e'tibaar-e-u'mr-e-gurezaaN kare koyee
jh`apkee Zaraa jo aaNkh to dunyaa badal gayee!

yaadoN ke ham jalaate bujh`aate rahe chiraaGh
chaliYe! isee bahaane tabeea't behal gayee!

dunyaa-e-naamuraad meN aasoodagee kahaaN?
sau aur aayeeN, aik jo Hasrat nikal gayee!

ph`ir zindagee shikaar-e-umeed-e-vafaa huyee
ph`ir shama'-e-intiz^aar sar-e-shaam jal gayee!

taa-u'mr apnee Zaat se baahar nah jaa sake!
ahl-e-Khirad se un kee Khudee chaal chal gayee!

:Sarwar: ne teree yaad meN ik u'mr kee tamaam
or log keh rahe haiN tamannaa nikal gayee!

غزل