yaad jab aap kee naheeN hotee *

yaad jab aap kee naheeN hotee
zindagee zindagee naheeN hotee!

aap se Haal kyaa kaheN apnaa?
Khud se jab baat hee naheeN hotee

jo nah mansoob tere naam se ho
aagahee aagahee naheeN hotee

yaad aatee hai ch`eR jaatee hai
dard meN kuch` kamee naheeN hotee

jaan kar kyoN bane ho anjaane?
be-sabab Khaamushee naheeN hotee

ek dunyaa udh`ar, idh`ar maiN hooN
kam miree bekasee naheeN hotee

kaun batlaaYe, kaise batlaaYe?
kyoN Khushee se Khushee naheeN hotee

hosh kee kuch` to leejiYe "Sarwar"
Khoob yeh beKhudee naheeN hotee

غزل