English اردو
iqraar-e-vafaa, ummeed-e-karam! kuch` keh nah sake, kuch` bh`ool gaYe!
iqraar-e-vafaa, ummeed-e-karam! kuch` keh nah sake, kuch` bh`ool gaYe!vade voh tire mubham, mubham! kuch` keh nah sake, kuc`h bh`ool gaYe!
sarshaaree-e-ulfat kaa a'alam! kuch` keh nah sake, kuch` bh`ool gaYe
jazbaat kee voh dh`eemee sargam! kuch` keh nah sake, kuch` bh`ool gaYe!
aalaam kee voh yoorish peham! kuch` keh nah sake, kuch` bh`ool gaYe!
Doobee huee nabzoN kaa a'alam, kuch` keh nah sake, kuch` bh`ool gaYe!
yaadoN kee Khalish voh shaam-o-saHar, maayoos se voh deevaar-o-dar
iHsaas kee lau maddh`am, maddh`am! kuch` keh nah sake, kuch` bh`ool gaYe!
kyaa vehm-o-gumaaN, kyaa i'lm-o-yaqeeN, kyaa fikr-o-Gham-e-dunyaa-o-deeN
hastee ke voh saare pech-o-Kham, kuch` keh nah sake, kuch` bh`ool gaYe!
voh sher-e-mujassam jaan-e-suKhan, her saaNs meiN yooN hai naGhmah-zan
afsaanah-e-Gham, roodaad-e-alam, kuch` keh nah sake, kuch` b`hool gaYe!
kab daur-e-KhizaaN aayaa aur kab ruKhsat voh gul-e-ranaa,ee huwaa
meHroomee-e-jaaN, majbooree-e-Gham! kuch` keh nah sake, kuch` bh`ool gaYe!
dil aise puraane paapee ko kyaa kaam hai deen-o-eemaaN se?
voh saaz-e-kaleesa, soz-e-Haram, kuch` keh nah sake, kuch` bh`ool gaYe!
hastee ke fasaane Khwaab huwe, daryaa-e-junooN paayaab huwe
aaNsoo akcar, haNsnaa kam kam! kuch` keh nah sake, kuch` bh`ool gaYe!
unvaan yehee Thehre :Sarwar: afsaanah-e-hastee ke tere
yaa qalb-e-HazeeN yaa deedah-e-nam, kuch` keh nah sake, kuch` bh`ool gaye!
غزل
