Ghazals | غزلیں


English اردو


nigaah-e-dilnasheeN huyee, Khayaal-e-dilkushaa huwaa *
nigaah-e-dilnasheeN huyee, Khayaal-e-dilkushaa huwaa
inheeN se jab huwaa raqam, GhamoN kaa silsilaa huwaa!

agar tire Khayaal se sukooN milaa to kyaa a'jab?
keh ranj bh`ee to aaKhirash tiraa hee th`aa diyaa huwaa!

hameen th`e raah-e-zeest meN nishaan-e-paa ginaa kiYe
zamaanah tez-gaam th`aa, kabh`ee kaa woh hawaa huwaa!

bataa,o pehle i'shq se, bh`alaa th`aa kaun saa sukoon?
milaa nah i'shq meN sukooN to aisaa kyaa buraa huwaa?

yeh ashk-e-Gham, yeh chashm-e-nam, ye aah, yeh shikaayateN
Khat^aa mu,a'af! kyaa karooN? keh dil hai yeh bh`araa huwaa

wohee th`ee HaaSil-e-alam, yehee hai i'shq kaa bh`aram
jo aah th`ee dabee huyee, jo ashk th`aa rukaa huwaa!

nah us t^araH qaraar th`aa, nah is t^araH qaraar hai
nah dil pah iKhtiyaar hai, mujh`e huwaa to kyaa huwaa?

rah-e-alam meN reh gayaa woh "Sarwar"-e-shikastah-paa
laboN pah teraa naam th`aa jab us kaa Khaatimaa huwaa