Ghazals | غزلیں


English اردو


taNg aa chuke haiN yoorish-e-bechaaragee se ham *
taNg aa chuke haiN yoorish-e-bechaaragee se ham
aalaam-e-rozgaar-o-Gham-e-zindagee se ham

is shehr-e-naa-sipaas kee Khaanah-KharaabiyaaN
tujh` se mile bh`ee gar to mile ajnabee se ham

guZre ba-raNg-e-boo-e-shabistaan-e-aarzoo
is a'rSah-e-Hayaat se yooN sarsaree se ham!

th`e be-Khabar to dil ko baRaa hee sukoon th`aa
jab baa-Khabar huYe to gaYe aap hee se ham!

sarshaaree-e-wiSaal, nah dil-sozee-e-firaaq
jeene ko jee rahe haiN magar kaise jee se ham!

lo aaj Khud hee apnaa nasheman jalaa diyaa
shikwah nah kar sakeN ge chalo ab kisee se ham

apnoN kaa e'tibaar nah GhairoN pah iKhtiyaar
ai dil! agar mileN to mileN kyaa kisee se ham?

"Sarwar"! yeh beKhudee kaa tamaashah to dekh`iYe
kehte rahe kisee kaa fasaanah kisee se ham