Ghazals | غزلیں


English اردو


saudaa Khudee kaa th`aa nah hameN be-Khudee kaa th`aa *
saudaa Khudee kaa th`aa nah hameN be-Khudee kaa th`aa
saaraa fareb kashmakash-e-aagahee kaa th`aa!

meree wafaa kaa aur nah tiree be-ruKhee kaa th`aa
qiSSah jo th`aa woh fikr kee be-chaaragee kaa th`aa

ham mut^ma,in th`e ho ke shareek-e-Gham-e-jahaaN
aur us ko Gham jo th`aa woh hamaaree Khushee kaa th`aa!

aalaam-e-rozgaar se Gham-haaYe-i'shq tak
jo marHalah th`aa, zeest kee Hairanagee kaa th`aa

yooN bh`ee huwaa hai dost! sar-e-bazm-e-aarzoo
iHsaas th`aa agar to woh Khud meN kamee kaa th`aa

suntaa jo koyee gosh-e-Haqeeqat-niyosh se
meHfil meN shor-e-Hashr miree Khaamushee kaa th`aa

ik e'tibaar-e-jaur th`aa so woh bh`ee uTh` gayaa
kab e'tibaar ham ko tiree dostee kaa th`aa?

raah-e-wafaa meN luT gayaa aaKhir wo kis t^araH
"Sarwar"! jo zo'm aap ko farzaanagee kaa th`aa?