gh`ar jalaa kar dekh`iye, dunyaa luTaa kar dekh`iYe

gh`ar jalaa kar dekh`iye, dunyaa luTaa kar dekh`iYe
reHmat-e-yazdaaN ko aise aazmaa kar dekh`iYe!

kyaa ajab kh`ul jaayeN saare raaz-haaYe-zindagee
baazee-e-ulfat meN ik din maat kh`aa kar dekh`iYe

her gh`aRee hai kyoN bayaan-e-taNgee-e-daamaan-e-shauq?
:kitnee vusa't hai hamaare dil meN aa kar dekh`iYe:

kh`olnaa hai aap ko apne paraaye kaa bh`aram?
her galee meN be piye hee laRkh`aRaa kar dekh`iYe!

kab talak yeh jura'-e-talKhaabah-e-Gham, kab talak?
zindagee ko kyoN na aa,eena dikh`aa kar dekh`iYe?

sar jh`ukaanaa to bohat aasaaN hai raah-e-i'shq meN
lut^f to jab hai keh apnaa sar kaTaa kar dekh`iYe!

ranj-o-raaHat, soz-o-saaz-o-Hasrat-o-aasoodagee
ek haiN sab bus zaraa pardah uTh`aa kar dekh`iYe

ho chukeeN :Sarwar: bohat dunyaa kee Khaatir-daariyaaN
jo bh`ee dil meiN hai voh ab naam-e-Khudaa kar dekh`iYe!

غزل